Leitarvélabestun er vinnan við að láta vefsíðu birtast ofar í leitarniðurstöðum Google án þess að greiða fyrir hvern smell. Hún byggist á þremur stoðum: tæknilegri uppbyggingu síðunnar, efninu á henni og tenglum sem vísa á hana.
Við byrjum á úttekt á vefsíðunni: tæknileg atriði, efni, leitarorð og staðan gagnvart samkeppninni. Út frá henni gerum við aðgerðaáætlun sem er uppfærð mánaðarlega, og við förum yfir árangurinn með þér á mánaðarlegum fundum þar sem allt er útskýrt á mannamáli.
Nýtt í dag skiptir líka máli hvernig síðan þín birtist í svörum gervigreindar, ChatGPT, Google AI Overviews og fleiri. Við bestum efnið þitt þannig að það sé nothæft fyrir bæði hefðbundnar leitarvélar og gervigreind, og tökum Google Business prófílinn þinn í gegn í leiðinni.
Lífræn leit
Þróun og markviss uppbygging efnis til að ná og halda sýnileika í leitarniðurstöðum.
On-page bestun
Efnið gert aðgengilegt leitarvélum með tæknilegum lagfæringum sem lyfta stöðunni.
Tenglauppbygging
Uppbygging innri og ytri tengla sem gefa lykilorðum síðunnar vægi hjá leitarvélum.
Leitarorðagreining
Hvaða leitarorð borga sig? Það finnum við út, og hvaða á að sleppa alveg.
Gervigreindarleit
Bestun efnis svo það sé vitnað í þig í svörum ChatGPT og AI Overviews.
Mánaðarlegar skýrslur
Þú færð skýrslu í hverjum mánuði um umferð, leitarorð og virkni, ekki bara tölur í töflu, heldur útskýrt á mannamáli.
Dæmi um árangur sem viðskiptavinir okkar hafa náð
Allt að 83%
aukning í lífrænni umferð
Allt að 42%
lækkun á brotthvarfshlutfalli
Allt að 38%
lengri heimsóknir
Allt að 21%
fleiri síður á heimsókn
Leitarvélabestun í smáatriðum
Hvernig leitarvélabestun virkar
Hvað er leitarvélabestun?
Leitarvélabestun, oft kölluð SEO (search engine optimization), snýst um að hjálpa Google að finna síðuna þína, skilja hana og treysta henni. Google sendir út forrit sem lesa vefsíður, skrá þær og raða þeim síðan eftir því hversu vel þær svara því sem fólk leitar að. Leitarvélabestun hefur áhrif á öll þrjú skrefin.
Munurinn á leitarvélabestun og Google auglýsingum er að hér greiðirðu ekki fyrir hvern smell. Á móti tekur lengri tíma að byggja upp stöðuna, en hún heldur áfram að skila umferð löngu eftir að vinnan er unnin.
Leitarorðagreining, grunnurinn að öllu hinu
Áður en nokkru er breytt þurfum við að vita hvað fólk skrifar raunverulega í Google þegar það leitar að því sem þú selur. Á Íslandi skiptir þetta sérstaklega miklu máli, því fólk leitar bæði með og án íslenskra stafa, til dæmis „leitarvélabestun“ og „leitarvelabestun“, og blandar oft enskum orðum saman við.
Í leitarorðagreiningunni skoðum við hversu oft er leitað að hverju orði, hvað liggur að baki leitinni, hvort viðkomandi er að kynna sér málið eða tilbúinn að kaupa, og hverjir raða sér efst í dag. Síðan pörum við hvert mikilvægt leitarorð við eina ákveðna síðu á vefnum þínum, svo síðurnar keppi ekki hver við aðra.
Tæknileg leitarvélabestun
Google þarf að geta lesið síðuna hratt og vandræðalaust. Við förum yfir hraðann, sérstaklega í farsímum, hvort allar mikilvægar síður séu skráðar hjá Google, áframsendingar frá gömlum slóðum, fyrirsagnir, innri tengla og skipulögð gögn (schema) sem hjálpa bæði Google og gervigreind að skilja hvað hver síða fjallar um.
Leitarvélabestun fyrir vefverslanir
Í vefverslunum eru það yfirleitt vöruflokkarnir sem skila mestri umferð úr leit, frekar en einstakar vörur. Þess vegna leggjum við áherslu á góða texta á flokkasíðum, skýra uppbyggingu flokka og skipulögð gögn fyrir vörur, verð og framboð.
Hvort sem verslunin er á WooCommerce eða Shopify eru algengustu vandamálin þau sömu: tvítekið efni vegna vöruafbrigða og sía, vörusíður án eigin texta og uppseldar vörur sem skila villum. Þetta lögum við fyrst og vinnum síðan markvisst í þeim flokkum sem skipta mestu fyrir söluna.
Leitarvélabestun fyrir WordPress
Stór hluti íslenskra vefja keyrir á WordPress. Það er góður grunnur fyrir leitarvélabestun, en of margar viðbætur, síðusmiðir og þung þemu geta hægt á síðunni og búið til tvítekið efni. Við förum yfir stillingar í Yoast eða Rank Math, vefkort, skyndiminni og myndir, og tryggjum að grunnurinn sé í lagi áður en farið er í efnisvinnu.
Leitarvélabestun og gervigreind
Sífellt fleiri fá svör beint frá ChatGPT, Perplexity eða yfirliti gervigreindar efst í Google (AI Overviews). Þessi kerfi velja helst heimildir sem svara spurningunni skýrt, eru vel uppbyggðar og eru nefndar víðar á netinu. Við skrifum og skipuleggjum efnið þannig að það nýtist bæði í hefðbundinni leit og í svörum gervigreindar.
Hvenær sést árangur?
Tæknilegar lagfæringar geta skilað sér á nokkrum vikum, sérstaklega ef eitthvað var að hindra Google í að lesa síðuna. Að ná efstu sætum fyrir orð þar sem samkeppnin er hörð tekur yfirleitt fjóra til tólf mánuði. Það fer eftir því hvar síðan stendur í upphafi, hversu sterk samkeppnin er og hversu mikið efni er unnið. Þess vegna förum við yfir stöðuna með þér í hverjum mánuði, svo þú sjáir hvernig hún þróast.
Algengar spurningar
Spurt og svarað um leitarvélabestun
Hvað er leitarvélabestun?
Leitarvélabestun er vinnan við að láta vefsíðu birtast ofar í leitarniðurstöðum Google án þess að greiða fyrir smelli. Hún nær yfir þrennt: tæknilega uppbyggingu síðunnar, efnið á henni og tengla sem vísa á hana.
Munurinn á henni og auglýsingum er einfaldur. Auglýsing hættir að skila um leið og þú slekkur á henni. Leitarvélabestun heldur áfram að skila fyrirspurnum mánuðum eftir að vinnan var unnin.
Hvað tekur langan tíma að sjá árangur af leitarvélabestun?
Fyrstu merki sjást yfirleitt eftir sex til tólf vikur. Raunverulegur árangur á samkeppnisorðum tekur oftast þrjá til sex mánuði.
Ástæðan er sú að Google þarf tíma til að skríða síðuna aftur, endurmeta hana og bera hana saman við keppinauta. Hraðar breytingar eru til í tæknilegum lagfæringum, en efni og tenglar byggjast upp hægar.
Hvað kostar leitarvélabestun á Íslandi?
Hjá okkur er leitarvélabestun hluti af föstu mánaðarverði þar sem þeir þjónustuþættir sem henta þínu fyrirtæki eru innifaldir. Verðið ræðst af umfangi vefsins og hversu samkeppnishæf leitarorðin eru.
Við gerum alltaf þarfagreiningu áður en verð er nefnt. Þannig veistu nákvæmlega hvað þú færð.
Er hægt að tryggja fyrsta sætið í Google?
Nei. Sá sem lofar fyrsta sætinu er annaðhvort að selja þér eitthvað sem hann ræður ekki við eða að miða á leitarorð sem enginn leitar að.
Google birtir engum röðunarreglurnar sínar og breytir þeim hundruð sinnum á ári. Það sem hægt er að lofa er vinnubrögð: úttekt, aðgerðaáætlun, mánaðarlegar mælingar og skýrslur sem sýna hvert þú ert að fara.
Vinnið þið líka bestun fyrir gervigreindarleit eins og ChatGPT og AI Overviews?
Já. Við skipuleggjum efnið þannig að AI-tól eigi auðveldara með að lesa það og átta sig á því, skýrar fyrirsagnir, bein svör og skipulögð gögn (schema) sem segja til um hvað síðan fjallar um. Þetta er engin trygging fyrir að vera vitnað í, enda er engin slík trygging til hjá neinum, en það er undirstaðan sem þarf að vera til staðar.
Við höfum líka sett upp llms.txt-skrá á okkar eigin vef, nýja leið til að segja gervigreindarþjónustum hvaða síður skipta mestu máli. Þetta er ung og enn mótandi venja, svo við fylgjumst grannt með þróuninni.
Tengt leitarvélabestun
Fáðu ókeypis SEO úttekt
Við förum yfir vefsíðuna þína og bókum þig á frían fund þar sem við segjum þér hvað stendur helst í vegi fyrir betri stöðu í Google.
